Huawei lançoi smartfonin e saj të tri-palosshëm jashtë Kinës ditën e marte ndërsa përpiqet të rikthehet në tregjet globale pasi u godit rëndë nga sanksionet Amerikane.
Mate XT ka një çmim fillestar prej 3,500 eurosh ndërsa kompania ende nuk ka specifikuar se në cilat vende do të shitet modeli.
Pajisja debutoi vitin e kaluar në Kinë duke tërhequr vëmendje globale si smartfoni i parë i tri-palosshëm. Një smartfon me ekran të palosshëm gjer më sot kishte vetëm një bosht të mesëm palosjeje ndërsa Mate XT ka dy boshte palosjeje. Paneli i tij mund të përdoret me 1, 2 dhe 3 ekrane.
Përpara 2019-ës Huawei ishte një prej lojtarëve më të mëdhenj në botë të smartfonëve duke sfiduar Apple dhe Samsung në segmentin Premium.
Pasi ShBA-ja vendosi sanksione në fillim të 2019-ës duke i bllokuar Huawei aksesin në çipe të avancuara dhe sistemin operativ Android, tregu i saj u zhyt.
Telefonët Huawei u zhdukën nga tregjet ndërkombëtare ndërsa brende të tjera mbushën hëndekun e krijuar.
Jashtë Kinës Huawei ka vetëm 0.3 përqind të tregut sipas të dhënave të IDC. Megjithatë në Kinë pjesa e tregut e Huawei u rrit në 17 përqind në 2024 nga 12 përqind një vit më parë./PCWorld Albanian
