Avokati, Xhevdet Smakiqi ka thënë se ka thënë se Qeveria e Kosovës që nga arrestimi e deri të lirimi i Hasan Dakaj ka qenë spektatore dhe pasive.
Smakiqi tha se e gjithë barra në këtë arrestim i ka rënë familjes dhe bashkëluftëtarëve të tij.
“Prej ditës se arrestimit e deri në ditën e lirimit të Hasan Dakaj, Qeveria e Kosovës dhe mekanizmat e saj kanë qenë tërësisht pasiv dhe spektator në gjithë procedurën penale që është zhvilluar ndaj tij dhe kjo barrë i mbeti familjes së tij dhe bashkëluftëtarëve të tij në fshatin Korishtë të Prizrenit. Ata u detyruan t’i bashkojnë forcat dhe t’i grumbullojnë mjetet financiare për t’i mbuluar shpenzimet e Hasan Dakaj”, ka deklaruar ai në emisionin “Ditari” nbë Tëvë1.
Tutje, ai tha se në ditët e para ndaj Dakaj është ushtruar dhunë fizike në Serbi.
“Ai është ende në trusnin e dhunës psikologjike. Ai ka deklaruar se në ditët e para ndaj tij është ushtruar edhe dhunë fizike dhe kjo edhe për shkak të mungesës së monitorimit edhe ndërkombëtare…“, ka deklaruar ai.
Hasan Dakaj, ish-pjesëtar i Ushtrisë Çlirimtare të Kosovës (UÇK) i cili po mbahej në burg në Serbi është liruar të premten.
Dakaj ishte arrestuar në pikëkalimin kufitar Merdarë në fillim të janarit 2024.
Më 6 Janar 2024, në ora 16:00, Dakaj kishte dalë para gjykatësit të procedurës paraprake, ku i është shqiptuar masa e paraburgimit prej 30 ditësh, respektivisht, deri më 3 shkurt 2024.
Ndërsa me datë 10.01.2024, Dakaj e kishte konfirmuar se Prokuroria e Lartë për Krime të Luftës e Beogradit e ngarkon atë për gjoja “krime të luftës kundër popullsisë joshqiptare gjatë luftës në Kosovë më 1999”.
