Politologu, Avdi Smajljaj e ka quajtur të pritshme ndërprerjen për herë të katërt të seancës konstituive të Kuvendit të Kosovës.
Smajlaj ka deklaruar kështu duke u bazuar në siç është shprehur ai ‘qëndrimet e partive politike, ngërqin politik dhe vështirësinë e tyre për të bërë kompromis me njëra tjetrën’
Ai në emisionin “Ditari” në Tëvë 1 ka shtuar se edhe në të ardhmen e afërt nuk beson se do të ketë zhbllokim të ngërçit politik.
“Është ajo e pritshmja marrë për bazë qëndrimet e partive politike, marrë për bazë ngërqin politik, marrë për bazë atë që partitë politike sikur po e kanë të vështirë një farë mënyre të bëjnë kompromis njëra me tjetrën atëherë seanca e sotshme ishte e pritshme dhe besoj që në rast se partitë politike nuk lëvizin nga pozicionet e tyre është ajo që do të presm çdo 48 orë, pra do të kemi një skenar të njëjtë nga i cili nuk pritet që në të ardhmen e afërt që të kemi një zhbllokim dhe të kemi konstituimin e Kuvendit që pastaj do t’i hapte rrugë edhe formimit të qeverisë së re”, ka thënë ai.
Sipas tij shkaqet e ngërqit aktual politik janë rezultatet e zgjedhjeve me të cilat për Smajljan duket se Lëvizja Vetëvendosje ende nuk është pajtuar.
“Shkaqet e një ngërqi të tillë janë rezultatet që kanë dal dhe si duket Lëvizja Vetëvendosje ende nuk është bindur që nuk ka fituar. Nuk po them që ka humbur por nuk ka fituar mjaftueshëm aq sa ka pritur për ta bërë qeverinë dhe fakti që nuk ka fituar sa duhet e bën të domosdoshme që të bëj një koalicion të cilin është e pashpjegueshme pse po hezitojnë që ta bëjnë qoftë me Nismën, qoftë me ndonjë parti tjetër”, ka shtuar Smajljaj.
Ndryshe, Kuvendi i Kosovës nuk ka vazhduar me konstituimin të hënën, duke mos e hedhur në votim propozimin e Lëvizjes Vetëvendosje për kryetar të Kuvendit pasi mungonin votat për Albulena Haxhiun. Për këtë post LVV-ja kërkoi kohë për të arritur një marrëveshje politike mes partive./teve1.info/
