Politologu, Avdi Smajlaj ka thënë se dikush nga Komisioni Qendror i Zgjedhjeve duhet të japë përgjegjësi për rënien e serverit pasi sipas tij është një dështim.
Smajlaj ka shtuar se procesi i numërimit, rinumërimit dhe verifikimit të votave nga KQZ-ja po e shoqëron procesin e votimit me një shije jo të mirë.
Ai në emisionin “Këndi i Debatit” në Tëvë1 ka uruar që ky proces të mos e dëmtojë integritetin e zgjedhjeve dhe të votës në përgjithësi.
“Te KQZ-ja mendoj se dikush duhet të japë përgjegjësi, është një dështim. Qytetarëve nuk iu intereson a ka rënë ose jo server ose çfarë kapaciteti ka serveri sepse ne jemi një vend i vogël dhe nuk besoj që është arsye e mjaftueshme për të thënë që ka qenë kapaciteti i serverit që ka rënë ose nuk ka rënë. Megjithatë krahas një ditë shumë të mirë të votimit tani ky procesi i numërimit, i rinumërimit, i verifikimit besoj që po e shoqëron procesin e votimit me një shije jo të mirë e cila uroj që mos ta dëmtojë integritetin e zgjedhjeve dhe të votës në përgjithësi”, ka thënë ai.
