Politologu Avdi Smajljaj, ka thënë se Lista Serbe pritet të jetë fituese në zgjedhjet e 9 shkurtit në mesin e partive të komuniteti serb.
Ai ka thënë se kjo do të ndodhë për shkak se ky komunitet vazhdon të jetë i ndikuar nga Beogradi.
Sipas tij, partitë tjera politike serbe janë “kamuflazh i pluralizmit të cilin e përdorë edhe presidenti serb Vuçiq.
“Komuniteti serb në Kosovë vazhdon të jetë fuqishëm i ndikuan nga Beogradi dhe është e pritshme që Lista Serbe të jetë dominuese, duke marrë për bazë lojalitetin që e ka komuniteti serb ndaj Beogradit, dhe partitë tjera përpos Listës Serbe më shumë i shërbejnë një lloj kozmetike të pluralizmit që i shërbejnë edhe Vuçiqit. Serbët në Kosovë nuk janë të lirë të votojnë të lirshëm për shkak të ndikimit të Beogradit”, ka thënë Smajljaj në emisionin “Këndi i Debatit” në Tëvë1.
