Politologu, Avdi Smajljaj ka thënë se fjalimi i kryeministrit Kurti në bisedën me dy komedianët rusë e që kishte menduar se po bisedon me presidentin e Letonisë, prek fushën e sigurisë dhe diplomacisë.
Ai ka thënë se fjalimi i Kurtit ishte një lloj mllefi që do të sfidojë autoritetin e kryeministrit.
“Si fjalim duket që ka një lloj të mllefit. Kjo e prek gjithashtu edhe mungesën e fushës së sigurisë dhe politikës së jashtme, relacionet me ShBA-në. Është një fjalim që do të sfidojë autoritetin e kryeministrit Kurti”, ka thënë ai në emisionin “Këndi i Debatit” në Tëvë1.
Duke folur për përmbajtjen e bisedës ku Kurti kishte kritika për opozitën dhe disa pronarë të medieve në Kosovë, Smajljaj ka thënë se në takime të udhëheqësve shtetëror nuk bisedohet për tema të tilla.
“Një prej elementeve të kësaj bisede që është aq specifike, detaj i panevojshëm, ka një protokoll diplomatik kur bisedojnë krerët e shtetit, ose kreu i qeverisë me kreun e shtetit është niveli më i lartë i bisedës. Kryesisht në këto biseda përmenden gjërat e përbashkëta që kanë dy shtetet, jo në detaje aty mungojë vetëm përmendja e analistëve për t’ia vu kulmin këtij skandali”, ka thënë ai.
Dy komedianët rusë, “Vovan & Lexus” kanë publikuar të martën një video me kryeministrin Albin Kurti, për të cilin thonë se ka rënë pre e mashtrimit të tyre. Sipas shkrimit të publikuar, komedianët i janë prezantuar Kurtit si president letonez.
Qeveria e ka pranuar këtë gjë të cilin e ka quajtur incident duke shpreh keqardhje. Por kanë thënë se në këtë bisedë Kurti ka treguar qëndrimin parimor për çështje kyçe qoftë në biseda publike apo private.
Qeveria e pranon se Kurti ra pre e mashtrimit nga komedianët rusë
