Ai në një intervistë për Tëvë1, ka thënë se pas nisjes së sulmit të Rusisë ndaj Ukrainës, shtetet e BE-së nuk do ta kenë komoditetin që të kenë prioritete tjera para asaj të sigurisë.
“Diçka që mund të ndodhë sa do larg gjeografikisht do të ketë edhe ndikimet e veta e mos të flasim kur bëhet fjalë për një agresor qysh është Rusia, e cila historikisht ka qenë një lloj akteri në çështjen e Ballkanit Perëndimor dhe normalisht që kjo do të ndikojë edhe në sigurinë e shteteve të BE-së, të cilat nuk besoj që do ta kenë atë komoditetin për të vazhduar me prioritetet tjera karshi me atë të sigurisë”, tha ai.
Profesori Samjlaj, tha se situata në Ukrainë do të ketë ndikim edhe në zgjidhjen e problemeve ndërmjet vende të Ballkanit Perëndimor.
“Kjo do të ndikojë gjithashtu edhe në Ballkan, ku problemet të cilat nuk duken se janë ende të zgjidhura do të reflektohet në zgjidhjen e këtyre problemeve. Dhe çdo rritje e ndikimit rus, normalisht që do të ketë ndikim në Ballkan dhe në çështjen e Kosovës”,tha Smajlaj, për Tëvë1.
Politologu Smajlaj e ka quajtur lajm të keq për botën fillimin e sulmeve të Rusisë ndaj Ukrainës.
Ai ka thënë se Rusia ka pretendime imperialiste.
“Është një lajm i keq për rendin botëror, për sistemim e sigurisë në nivelin global sepse përmes këtij pushtimi që po synon ta bëjë Rusia,i cili është ndesh me të drejtën ndërkombëtare,është një mesazh për gjithë botën që sistemi i sigurisë i bazuar në masë të madhe në parimet e liberalizmit pas Luftës së Dytë Botërore thuajse ka dështuar”, tha ai.
Smajlaj ka thënë se shtetet e NATO-së duhet të fuqizohen për të ndalë qëllimet imperialistet të Rusisë./Teve1.info/
Intervistën e tij mund ta ndiqni nga minuta e 11-të
