Qeveria sllovene ka shpallur ” person non grata” dhe ka lëshuar një ndalim udhëtimi efektiv kundër kryeministrit izraelit, Benjamin Netanyahu.
Ajo këtë e konsideroi si mënyrën e saj për të shprehur “një mesazh të qartë” se Sllovenia pret që Izraeli të zbatojë vendimet e gjykatave ndërkombëtare dhe të drejtat e njeriut.
Vendimi u konfirmua nga zëvendësministrja e jashtme për çështjet evropiane, Neva Grašič, shkruan The Guardian.
Vendimi vjen pas masave të ngjashme kundër dy ministrave të kabinetit izraelit të ekstremit të djathtë, Itamar Ben-Gvir dhe Bezalel Smotrich , në korrik.
Reuters vuri në dukje se Sllovenia , një shtet anëtar i BE-së që vitin e kaluar njohu shtetin palestinez, vendosi një embargo armësh ndaj Izraelit në gusht dhe futi një ndalim për importin e mallrave të prodhuara në territoret palestineze të pushtuara nga Izraeli.
