Skitarja e talentuar, Lara Colturi, do të vazhdojë të garojë për Shqipërinë.
Colturi është italiane, ndërsa ka disa vjet që garon për Shqipërinë dhe vlerësohet prej skitareve më të mira të reja në botë.
Së fundi, Colturi kishte kërkuar që të kthehej tek Italia por federata skitare e Shqipërisë insistoi në qëndrimin e saj, duke punuar për plotësimin e kushteve për skitaren dhe ekipin e saj.
Të mërkurën mediat në Tiranë, kanë raportuar se Colturi do të vazhdojë të garojë për Shqipërinë pasi ka pranuar ta rinovoj kontratën edhe për një vit.
Ajo në edicionin e fundit zuri tri herë vend në podium në garat e Kupës së Botës në skijim alpin.
Federata skitare dhe ekipi i Colturit po punojnë për finalizim të kontratës së re që pritet të bëhet zyrtare.
Colturi do të jetë shpresë e madhe e Shqipërisë në Lojërat Olimpike Dimërore që vitin e ardhshëm mbahen në Itali.
