Huliganët serbë vazhdojnë të shkaktojnë telashe në ndeshje evropiane, madje edhe në hendboll.
Të dielën është dashur të zhvillohet ndeshja e kthimit në çerekfinale të Kupës Evropiane mes Partizanit dhe skuadrës greke AEK. Por pa nisur ndeshje në pjesën e fushës ku po ngroheshin lojtarët e ekipit grekë nga huliganët serbë janë hedhur katër mjete plasëse. Kjo bëri që lojtarët e AEK-ut të largohen nga fusha. Ata janë kthyer, por ndërkohë pranë tyre janë hedhur edhe dy mjete të tjera shpërthyese.
Kështu AEK-u vendosi të mos e zhvillojë ndeshjen.
Federata Evropiane e Hendbollit ka njoftuar se ndeshja është shtyrë, por sipas Bild, nuk përjashtohet mundësia që ndeshja të regjistrohet me rezultat zyrtar. Ndeshjen në Athinë kishte përfunduar me fitoren 27:22 të AEK-ut.
Ish-reprezentuesi i Gjermanisë, Erik Schmidt, është pjesë e AEK-ut.
“Para se të fillonte ndeshja tifozët vendas hodhën mjete shpërthyese drejt nesh. Ne më pas e lëshuam sallën për pak minuta. Kur u kthyem, dy mjete tjera shpërthyese fluturuan dhe ndeshja u anuluar. Njëri prej lojtarëve tanë ka pasur probleme me veshin dhe është dashur të kontrollohet nga mjeku në dhomat e zhveshjes”, ka treguar Schmidt.
