Në një faqe në Facebook është publikuar një audioincizim ku dëgjohet zëri i BozhidarDejanoviq, kandidat i Listës Serbe për kryetar të Komunës së Kllokotit, duke përdorur gjuhë jashtëzakonisht fyese, kërcënime dhe ofendime ndaj personave të paidentifikuar.
Në pjesë të ndryshme të incizimit, Dejanoviq dëgjohet duke bërtitur me tone agresive dhe vulgare:
“Kush e ka futur brenda, ti q… krejt!”,
“Po e gris gjithçka!”,
“Ku jeni ju si sigurim… nënën ua q…!”,
Në një moment tjetër, ai thotë se “kush të dojë parkon ku t’i teket” dhe se “nuk dua të shoh askënd më këtu, të gjithë do të shkoni në shtëpi”.
“Në *** të s’ëmës, kujt t’i çohet k*** parkon aty, e ju rrini aty!”, dëgjohet Dejanoviq.
Edhe pse disa pjesë të audios janë më pak të qarta dhe disa fjalë nuk kuptohen plotësisht, toni kërcënues dhe fjalori vulgar i përdorur nga personi që flet janë të padiskutueshme. Nga konteksti, dyshohet se ngjarja ka ndodhur brenda një zyre, ndërsa ende nuk është e qartë ndaj kujt konkretisht janë drejtuar sharjet dhe ofendimet.
Ky incident ndodh në një periudhë të tensionuar politike, ku raportimet e shumta për presion dhe kërcënime ndaj qytetarëve serbë në Kosovë janë shtuar, veçanërisht në prag të zgjedhjeve lokale që pritet të mbahen së shpejti në disa komuna me shumicë serbe.
Lista Serbe, partia në të cilën bën pjesëBozhidarDejanoviq, akuzohet se dirigjohet dhe financohet drejtpërdrejt nga Beogradi zyrtar. Kjo parti ka nisur një fushatë të ashpër për të siguruar kontrollin e pushtetit lokal. Audioja e publikuar dhe gjuha e përdorur nga BozhidarDejanoviq ilustrojnë atmosferën dhe trysninë që Lista Serbe ushtron këtë fushatë.
