Në mungesë të kuorumit nuk është hedhur fare në votim propozim-rezoluta e Partisë Demokratike të Kosovës(PDK) përmes së cilës do të kërkohej shkarkimi i ministres së Industrisë, Ndërmarrësisë dhe Tregtisë, Rozeta Hajdari.
Pas debatit për gjendjen në këtë ministri, në sallën e Kuvendit të Kosovës ishin vetëm 50 deputetë, prandaj kryetari Glauk Konjufca e mbylli seancën.
“50 deputetë janë në seancë duke marrë pjesë, kështu që shihemi ndonjë ditë tjetër kur t’iu lajmëroi”, tha Konjufca, raporton KP.
Seanca e sotme është zhvilluar me përplasje në mes të opozitës dhe partisë në pushtet, lidhur me situatën në Ministrinë e Industrisë, Tregtisë dhe Ndërmarrësisë.
