Mario Balotelli dhe skuadra zvicerane Sion, kanë shkëputur kontratën e cila ishte e vlefshme deri në vitin 2024.
Lajmi është konfirmuar nga presidenti i skuadrës së Sionit, Christian Constantin.
Sipas mediave italiane, Balotelli ka pranuar t’i bashkohet skuadrës turke Adana Demirspor, te e cila luajti në edicionin 2021/2022.
Te skuadra e Adana Demirsporit është edhe futbollisti i Kosovës, Arbër Zeneli, që u transferua këtë verë nga Reimsi francez.
33-vjeçari Balotelli ka stërvitur në mënyrë individuale qëkur ka nisur kampionati i ri. Balotelli ka shënuar gjashtë gola në 19 paraqitje për Sionin në edicionin e kaluar.
Me Italinë, Balotelli ka zhvilluar 36 ndeshje dhe ka 14 gola në total.
Karrierë ka bërë edhe te skuadra e Manchester Cityt, Liverpoolit, Milanit dhe Interit.
