Sindikata e PK-së nënshkruan marrëveshje bashkëpunimi me Sindikatës së Policisë së Lituanisë.
Sipas komunikatës së Sindikatës së Policisë së Kosovës kjo marrëveshje është një hap i rëndësishëm institucional që konsolidon partneritetin sindikal, solidaritetin dhe zhvillimin profesional të punonjësve të policisë në të dy vendet.
Marrëveshjen e nënshkruan Kryetari i Sindikatës së Policisë së Kosovës, Avdi Hoti, dhe Presidentja e LPPS-së, Roma Katinienė, duke vënë themelet e një partneriteti të qëndrueshëm ndërkombëtar në fushën sindikale, sociale dhe profesionale.
“Ky bashkëpunim synon:Forcimin e solidaritetit ndërkombëtar sindikal midis policive të dy vendeve; Shkëmbimin e përvojave dhe praktikave më të mira në mbrojtjen e të drejtave të punonjësve të policisë; Zhvillimin e projekteve të përbashkëta në fusha si arsimi, kultura, sporti dhe mirëqenia sociale;Rritjen e ndërveprimit profesional dhe institucional, përmes takimeve, trajnimeve dhe vizitave studimore të ndërsjella. Marrëveshja shënon një pikë kthese në ndërkombëtarizimin e sindikatës sonë, duke e pozicionuar Sindikatën e Policisë së Kosovës si një faktor të rëndësishëm në rrjetin evropian të bashkëpunimit sindikal policor”, thuhet në komunikatë.
