Sipas një njoftimi publik, Sindikata ka marrë vendim që të njeh anëtarët e vetë të cilët janë anëtarësuar bazuar në Ligjin mbi Organizimin Sindikal në Kosovë, Statutin e Sindikatës dhe Konventat Ndërkombëtare të ONP-së.
“Këshilli Drejtues i SPK-së u deklaruan unanimisht që platforma e-Kosova është në kundërshtim me ligjin për tu anëtarësuar apo për tu ç’anëtarësuar anëtarët e Sindikatës.
U mor vendim se Sindikata e Policisë së Kosovës të njeh anëtarët e vetë të cilët janë anëtarësuar bazuar në Ligjin mbi Organizimin Sindikal në Kosovë nr.04/L-011, Statutin e Sindikatës dhe Konventat Ndërkombëtare të ONP-së”, thuhet në njoftim.
Sipas komunikatës, në mbledhjen e së martës janë raportuar aktivitetet e Sindikatës si: Kërkesat për përmasimin e mirëqenies së pjesëtarëve të Policisë së Kosovës, draft-ligji i pagave i cili ka qenë në diskutim publik për të cilin është thënë se nga Sindikata janë adresuar komentet dhe kërkesat.
“Po ashtu është diskutuar për ndërhyrjen nga Thesari i Shtetit në ndaljen e kuotës së anëtarësisë sindikale e cila nga KD-së është vlerësuar e kundërligjshme dhe e pa pranueshme për të vazhduar ne formën siç është kërkuar nga Thesari i Shtetit”, thuhet në njoftim.
Lidhur me veprimet nga Thesari i Shtetit është diskutuar edhe takimi i fundit me Ministrin e MPB-së, Xhelal Sveçla, kërkesat dërguar Kryeministrit Albin Kurti, Ministrit të Financave, Hekuran
Murati dhe Thesarit të Shtetit për të ndërprerë veprimet, siç i kanë quajtur ata, të kundërligjshme lidhur me aktivitetin sindikal.
