Në këtë letër Sindikata e Infermierëve, krahas kërkesës për rritje pagash, ia kanë kujtuar kryeministrit Albin Kurti faktin që vitin e kaluar nga Kosova janë larguar mbi 380 infermierë.
“Kryeministër kur do t’i ngritësh pagat për Infermierët? I nderuari Kryeministër vitin që shkoi 384 infermier e braktisën Kosovën, ndërsa këtë vit numri pritet që të jetë rreth 1000 infermier. Sot kryeministër, Kosovës i mungojnë rreth 5 mij infermier, ndërsa barrën dhe punën e tyre duhet ta kryejnë infermierët aktual”, thuhet në këtë letër.
Më tej, kjo sindikatë ka ngitur edhe disa shqetësime duke thënë se infermierët kanë pritu 23 vjet dhe s enuk mund të presin më gjatë.
“Kryeministër, a e dini që një infermier paguhet 377 € në muaj, a e dini që një infermier për 12 orë pune natën paguhet vetëm 18 euro, pra 1.50 euro për orë? A e dini kryeministër që mosha mesatare e infermierëve është rreth 50 vjeç? A e dini se… ne jemi harruar nga shteti jonë që nga paslufta? Kryeministër ne nuk mund të presim gjatë, kemi pritë 23 vite, më nuk mundemi. Ngriti pagat Kryeministër”, thuhet në letër. /teve1.info/
