Sipas tyre, mos ekzekutimi i pagave tash e pothuajse tre muaj për stafin mbështetës është e pa arsyeshme, raporton teve1.info
“Sindikata e Infermierëve të Kosovës dështimin në ekzekutim të pagave tash e pothuajse 3 muaj për stafin mbështetës pranuar nga MSH si mbështetje në luftimin e pandemisë COVID-19 e konsideron të paarsyeshme dhe çasje neglizhuese në raport me këta profesionist”, thuhet në komunikatë.
Tutje në njoftim thuhet që ekzekutimi i pagave të bëhet urgjentisht, pasi sipas tyre mund të ketë mundësi që ndonjë mund të varet vetëm nga ajo pagë.
“Sindikata e Infermierëve të Kosovës me kohë ka kërkuar nga institucionet qoftë përmes reagimeve apo edhe deklarimeve publike që ekzekutimi i pagave të bëhet urgjentisht duke pas parasysh faktin që ndonjë ka mundësi që të varet vetëm nga kjo pagë. Poshtu Sindikata e Infermierëve të Kosovë ka kërkuar dhe kërkon që kontratat e këtyre profesionistëve të vazhdohen, ndërsa të gjinden modalitet që të kthehen në kontrata të rregullta, marrë parasysh munges e madhe dhe mbingarkesën e skajshme të stafit infermieror”, thuhet në komunikatë.
Më tej, kjo Sindikatë ka bërë të ditur se e mbështesin protestën e paralajmëruar për ditën e nesërme, dhe e konsideron të arsyeshme e legjitime.
“Thënë këtë, Sindikata e Infermierëve të Kosovës e mbështetë plotësisht protestën e paralajmëruar për ditën e nesërme nga kolegët tanë dhe e konsideron të arsyeshme dhe legjitime”, përfundon komunikata.
