Kryetarja e Komunës së Preshevës, Ardita Sinani ka thënë se shqiptarët në Serbi janë të vetmit që diskriminohen dhe u mohet e drejta e përdorimit të simboleve kombëtare.
Në një intervistë për Tëvë1 ajo ka thënë se do të angazhohen për afirmimin e të drejtave shqiptare në Luginën e Preshevës.
“Fatkeqësisht vetëm shqiptarët në Luginë të Preshevës nuk anë të drejtë ta përdorin flamurin kombëtar, neve na mohohet e drejta elementare e identitetit dhe kulturës shqiptare dënohemi po ta vendosim flamurin kombëtar, por kjo rezistenca neve na bënë më të fortë, do të angazhohemi për afirmimin e të drejtave të shqiptarëve të Luginës së Preshevës. Vetëm neve na mohohet të festojmë lirshëm 28 Nëntorin”, tha ajo.
Sinani ka thënë se ky “28 nëntor po na gjen në një pozitë edhe më të vështirë se në çdo periudhë tjetër. Shkalla e diskriminimit është në nivelin më të lartë, shpërngulja masive ka marrë përmasa më të mëdha”, tha ajo.
