Zëvendëskryeministër, Besnik Bislimi, e ka quajtur moment të rëndësishëm për shqiptarët e Preshevës, zgjedhjen e Ardita Sinanit, kryetare të Preshevës.
Bislimi është shprehur se përmes kësaj zgjedhje ata do të kenë mundësi të njohin ndryshime pozitive dhe të prekshme për Preshevën.
“Andaj, ky është një moment i rëndësishëm për shqiptarët e Preshevës, të cilët përmes udhëheqjes së Arditës do të kenë mundësi të njohin ndryshime pozitive dhe të prekshme për Preshevën”, ka shkruar ai në Facebook.
Po ashtu, zëvendëskryeministri, shtoi se përmes bashkëpunimit dhe përpjekjeve të përbashkëta do të tejkalohen sfidat dhe do të ndërtohet një e ardhme më e mirë atje.
“Bashkëpunimi do të jetë i pandashëm dhe së bashku do të angazhohemi maksimalisht të hapim mundësi të reja për të ndihmuar bashkëkombasit tanë atje. Është thelbësore që të garantojmë mbrojtjen e të drejtave të njeriut dhe të përmirësojmë kushtet socio-ekonomike dhe politike për të gjithë shqiptarët në rajon. Vetëm përmes përpjekjeve të përbashkëta do të mund t’i tejkalojmë sfidat dhe të ndërtojmë një të ardhme më të mirë për të gjithë”, ka thënë ai./teve1.info
