Kryeministri i Shqipërisë, Edi Rama është takuar me sekretarin e Përgjithshëm të NATO-s, Mark Rutte.
Rama ka shkruar se ky është takimi i parë me holandezin si Sekretar i Përgjithshëm të NATO-s.
“Me mikun e veçantë dhe tanimë mbështetësin e paepur të Shqipërisë, Mark Rutte, në takimin e parë me të si Sekretar i Përgjithshëm të NATO-s, pas 14 vjetësh në krye të qeverisë holandeze”, shkruan Rama në Facebook.
Kryeministri Edi Rama ishte ditën e sotme në Bruksel, pasi Shqipëria çeli negociatat për 2 kapitujt e radhës, që përfshijnë marrëdhëniet me jashtë, politikën e jashtme, të sigurisë dhe mbrojtjes, proces që e çon vendin një hap më pranë anëtarësimit në Bashkimin Evropian.
