Sigal Prishtina nuk ka marrë aspak lajme të mira në prag të xhiros së 6-t të Superligës së Kosovës në basketboll.
Klubi nga kryeqyteti ka bërë të ditur të enjten se shkaku i lëndimeve do të jetë pa basketbollistët Muhamedali Janjeva e Bardh Istrefi për një periudhë.
Në njoftimin e klubit, thuhet se Istrefi ka lënduar meniskun dhe do të mungoj të paktën për tri javë, ndërsa Janjeva nuk do të jetë në dispozicion të trajnerit Murat Bile për një muaj shkaku i zgjatjes së ligamenteve.
Të dy këta lojtarë, do t’i mungojnë Sigal Prishtinës në derbin e javës së 6-të kundër skuadrtës së Bashkimit, ndeshje kjo që luhet të shtunën në Prizren prej orës 19:00.
Bashkimi është ekipi i vetëm që ende nuk di për humbje këtë sezon dhe i prinë tabelës me 10 pikë të mbledhura, një më shumë se Prishtina që renditet e dyta dhe ka vetëm një disfatë deri më tani.
Janjeva këtë sezon ka luajtur me një mestare prej 7 pikëve e 3 kërcimeve për ndeshje, ndërsa Istrefi ka tri paraqitje në kampionat.
