Pas debutimit në sezonin 2022/23, Sigal Prishtina është gati për sezonin e ri në Ligën ENBL dhe ndeshjen e parë e luan në shtëpi.
Sot, prej orës 19:00 në Pallatin e Rinisë dhe Sportit në kryeqytet, Sigal Prishtina e pret ekipin nga Norvegjia, Gimle Basket.
Prishtina pret përkrahje për ta nisur këtë garë me fitore pasi është përgatitur mirë dhe përforcuar për sezonin 2025/26.
Pjesë e kësaj lige janë plot 26 skuadra të ndara në tri grupe, ndërsa krahas Prishtinës nga Kosova paraqitet edhe Peja, e cila ndeshjen e parë e luan pas dy javësh.
Ka skuadra nga Rumania, Gjermania, Britania e Madhe, Letonia, Holanda, Austria, Estonia, Norvegjia, Kroacia, Çekia, Islanda, Sllovakia e disa vende të tjera evropiane.
Herën e parë, Prishtina arriti deri në çerekfinale të Ligës ENBL, ndërsa në sezonin 2023/24 u përjashtua për shkak se nuk kishte kryer obligimet financiare.
