Dramë, rivalitet i madh, spektakël dhe paçartësi deri në sekondat e fundit. Vetëm pas vazhdimeve, Sigal Prishtina e ka barazuar serinë e Play-Offit, në gjysmëfinale ndaj Trepçës, duke triumfuar me rezultat 90:83, në ndeshjen e tretë.
Në sallën plot të Pallatit të Sporteve në Prishtinë, bardhekaltrit shfrytëzuan mbështetjen e tifozëve për ta fituar duelin e dytë gjysmëfinal dhe për ta ndalë Trepçën të arrijë fitoren e dytë, me çka i afrohej shumë kalimit në finale.
Minuti i fundit i kohës së rregullt, ishte dramatik në kryeqytet, me Prishtinën që udhëhiqte minimalisht, ndërsa shfrytëzoj gabimet në sulm të kampionit aktual për ta vendosur duelin e dytë në favor të vetin.
2,7 sekonda para fundit të ndeshjes, Trepça e barazoj rezultatin 77:77, për ta dërguar ndeshjen në vazhdime.
Në pesëminutëshin shtesë Prishtina ishte më efektive me Olin Carter që shënoj pikët vendimtare për ta ndalë fitoren në shtëpi.
Carter i realizoi 23 pikë në total për Prishtinën, si më i dalluari, i ndihmuar edhe nga Jordan Davis me 20 pikë, 6 kërcime e 3 asistime dhe Mahalbashiq me 15 pikë e 9 kërcime.
Trepça kishte epërsi deri në 14 pikë por e lëshoj atë gjatë ndeshjes.
Cotton me 19 pikë, 9 kërcime e 7 asistime ishte i pandalshëm por që nuk i mjaftoj mitrovicasve.
Ndeshja e tretë e serisë gjysmëfinale të play-offit bartet në Mitrovicë dhe zhvillohet të shtunën.
