Një shpërthim i pazakontë ndodhi në orët e para të së enjtes, në një fshat të komunës së Gjakovës.
Ky shpërthim u shkaktua aksidentalisht nga një 20 vjeçar.
“Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë”, thuhet nga Policia e Kosovës.
Viktima ka pësuar politraumë të rëndë, ku sipas mjekëve në QKUK, ai i ka humbur edhe dy këmbët e tij.
Nga Klinika Intensive thanë se gjendja e viktimës aktualisht është stabile, por pritet të shihet se si do të jetë në orët në vazhdim.
Mjeti që ka shpërthyer është i llojit “zollë”, e cila vlerësohet se ka rrezik të madh.
Për rastin është njoftuar prokurori i shtetit, në konsultim me të cilin është iniciuar rast “shkaktim i rrezikut të përgjithshëm”.
