Takimi i së premtes në Alaska Trump – Putin, në Rusi është komentuar si miqësor dhe korrekt.
Gazetari shqiptar, Misha Pumo që jeton në Rusi ka thënë televizion kryesor në këtë vend ka publikuar detaje nga takimi të cilin e ka cilësuar si historik e “korrekt dhe miqësor”.
Ai ka thënë në masmedia ky takim është paraqitur si fitore e Putinit.
Në Moskë gjithmonë dalin fitimtar në mas media.
“Një takim shumë i rëndësishëm për Putin, nga ata që deklaroheshin se do të izolohet ata dështuar kuptohet, sepse skena më e madhe botërore ndodhi në Alaska, ku u takuan dy liderët e fuqive botërore. Të dyja palët mendojnë se janë fituese”, ka thënë ai në emisionin “Mesditë” në Tëvë1.
I pyetur për mos vendosjen e sanksioneve pavarësisht paralajmërimit nga Trump, nëse nuk ka marrëveshje, ai ka thënë se këto deklarata kanë qenë më shumë për konsum publik, duke vlerësuar se
Trump nuk është i interesuar të vendos sanksione të reja ndaj Rusisë.
Pumo ka thënë se edhe Putin ka një simpati ndaj Trump.
“Putini ka një simpati të madhe për Trump dhe e kupton që është një shans unik ky për të rregulluar marrëdhëniet me ShBA-në sa kohë që është Trump president. Trump duket qartë se nuk ka dëshirë të vendos sanksione ndaj Rusisë”.
