Zbuloni teknikën e thjeshtë të numrave 5 dhe 3 për një ten të përsosur
Nuk jeni të sigurt se ku saktësisht duhet të vendosni bronzerin ose korrektorin? Ja një truk i thjeshtë që nxjerr në pah konturet natyrale dhe ndriçon fytyrën pa e tepruar.
E dimë se bronzeri i aplikuar gabimisht mund t’i bëjë tiparet e fytyrës të duken më të ashpra, ndërsa korrektori i vendosur keq mund ta theksojë lodhjen në vend që ta fshehë. Megjithatë, ndonjëherë mjafton vetëm një teknikë e thjeshtë për ta rregulluar gjithçka dhe për t’i dhënë menjëherë freski pamjes suaj.
Çfarë do të thoshit për idenë që në fytyrë të “vizatoni” numrat 5 dhe 3 për të krijuar një ten të strukturuar në mënyrë perfekte? Ja si funksionon:
Korrektori: vizatoni numrin 5
Filloni duke aplikuar korrektorin në formën e numrit 5 nën sy. Pjesa e sipërme e “pesës” ndjek natyrshëm vijën e hollë të rrathëve të syve, pjesa e poshtme zbret drejt mollëzës për të ndriçuar këtë zonë që shpesh është më e errët, ndërsa vija e sipërme shtrihet nga këndi i jashtëm i syrit deri tek tëmtha. Ky aplikim mbulon hijet natyrale dhe njëkohësisht “ngre” shikimin, duke dhënë një pamje më të freskët dhe të hapur, transmeton Telegrafi.
Bronzeri: vizatoni numrin 3
Me bronzer ose me një stick për skulpturim, vizatoni numrin 3 në të dyja anët e fytyrës. Filloni nga balli, pranë vijës së flokëve, vazhdoni në zgavrën e faqeve (zona që kërkon theksim), dhe përfundoni përgjatë nofullës duke e konturuar butësisht. Ky aplikim ndjek linjat natyrale të fytyrës dhe i jep menjëherë formë pa krijuar efektin e maskës.
Ky truk i thjeshtë bazohet në parimin e volumit dhe dritës. “Pesës” i takon roli të ndriçojë dhe të tërheqë dritën në zonat e futura, ndërsa “trojka” rikthen dimensionin dhe thekson konturet. Rezultati: një ekuilibër i përkryer mes korrektimit dhe definimit, pa pasur nevojë për njohuri të thelluara në konturim.
