Simptomat e alergjisë ndaj polenit pranveror janë irrituese dhe të dëmshme për njerëzit.
Këto simptoma manifestohen me teshtitje, kollitje, ftohje, djegie në fyt ose bllokim të hundës, kruarje e lotim të syve. Por, ekspozimi edhe ndaj mykut mund të shkaktojë simptoma alergjie për njerëzit me këtë problem.
Thithja e atij ajri mund të shkaktojë rrjedhje të hundës, teshtitje e kruarje, por edhe simptoma të tjera më të lehta, ka shkruar Zyrtec.
Ndikimi i motit
Disa kushte të motit mund të kontribuojnë në ashpërsinë e alergjive. Për shembull, ditët e thata dhe me erë mund të shkaktojnë rritje të polenit në ajër, ndërsa shiu ndihmon në uljen e sasisë së polenit.
Po ashtu, alergjitë e pranverës mund të “aktivizohen” nëse keni pickime nga insektet. Ato shkaktojnë acarim në lëkurë, skuqje dhe rritje të temperaturës trupore.
Pickimi dhe ekspozimi ndaj barërave apo bimëve me efekte alergjie rrisin ndikimin në organizëm dhe shtojnë simptomat.
Si të ulni ndikimin e polenit?
Personat alergjikë në pranverë nuk rekomandohen të qëndrojnë në ambiente me gjelbërim apo me shumë polen. Mbani dritaret dhe dyert e mbyllura gjatë natës dhe shmangni aktivitetet në mëngjesin e hershëm, kur numri i polenit është i madh.
Vishni rroba mbrojtëse dhe përdorni syze nëse patjetër duhet të qëndroni në natyrë me shumë bimë. Pasi t’i përfundoni aktivitetet, bëni një dush me ujë të vakët për të hequr polenin nga lëkura dhe flokët. Pastrojini edhe rrobat.
Derisa është e pamundur të mbani tërë polenin jashtë shtëpisë, mund ta zvogëloni sasinë e tij.
Ekspertët rekomandojnë që të pastroni shtëpinë dhe të përdorni kondicionerin për ajër në mënyrë që të jeni të freskuar.
