Shenjat e gjakut kanë mbetur në oborrin e shkollës.
Pasi një qen i llojit pitbull, hyri brenda shkollës fillore “17 shkurti” në Suharekë.
E si pasojë e kësaj lëndime kanë marrë 4 nxënës.
Por më e lënduara ka mbetur një 7 vjeçare që ishte shpëtuar nga një banor i fshatit Shirokë.
“Qenin e pash që e kishte kapur nxënësen në kokë edhe nuk e lëshojke edhe u afrova me nda prej fëmijës por nuk e lëshojke, e më pas u largu e ka hyrë brenda në oborr të shkollës, kam vrapu pas tij e më pas e ka lindu edhe një fëmijë tjetër”, tha Leonorad Lumi, banor i fshatit Shirkoë.
E një nxënës i kësaj shkolle, tregon se edhe ai ishte i rrezikuar ashtu si të tjerët.
Kur kemi ardh ka ardh një qen që është pitbull ka ardh e ka sulmu një vajzë të vogël, ka kalu afër meje por nuk më ka sulmuar sepse nuk kam ikur.E ka hëngër atë vajzën, ka fillu njëherë në kokë e më pas ka vazhdu në krejt trupin e më pas e ka fut përfundi veturës, e më pas ka fillu prapë me sulmu”, tregon nxënësi Qamil Kadrija.
7 vjeçarja që mori lëndime më të mëdha, po vazhdon trajtimin në repartin e infektivës në Prizren.
“Kanë ardh dy fëmijë në emergjencën e spitalit pasi kanë marrë lëndime nga kafshimi i qenit dhe kanë pasur disa plagë në trup. I kemi përpunu plagët dhe njëri nga nxënësit është në shtëpi ndërsa tjetri nxënës vazhdon trajtimin në repartin e infektivës”, tha Hekuran Veçgishti, shef i emergjencës në Prizren.
Ndërsa në shkollën 17 shkurti të mërkurën është ndërprerë mësimi, por që janë marrë vendime të reja.
“Kemi marrë vendim që herave tjera fëmijët mos të dalin me ble ushqim por ta marrin me vete. Fatkeqësia është që shkollat nuk kanë siguri nuk e kanë sigurimi që për çdo rast ata janë kompetent”, ka thënë Hidajete Bytyqi drejtoreshë e shkollës.
Nga Policia thonë se përveç nxënësit, qeni ka sulmuar edhe policët.
Ndërsa, pronari i qenit është identifikuar dhe i njëjti është arrestuar.
