Të dielën vendosën ta kalojnë në liqenin e Ujmanit.
Por këtyre qytetarëve, pushimi iu ndal në gjysmë.
Kjo pasi pranë veturave të tyre dikush e hodhi një mjet shpërthyes.
Pronarët e veturave nuk dëshën të flasin para kamerës.
Por prapa saj i thanë televizionit së e dëgjuan një shpërthim të fuqishëm.
E kjo bëri që vendi ku ishin parkuar veturat të kthehet në skenë hetimi për organet e rendit.
Për këtë në vendngjarje dolën njësitet e ndryshme policore.
Mes tyre edhe ekipi i specializuar për bomba i Policisë së Kosovës.
Këta me kujdes ekzaminuan vendin ku disa minuta më parë shpërtheu mjeti.
Pamje
Se këtu pati shpërthim mesditën e së dielës, e konfirmuan edhe në Policinë e Kosovës.
“Ka pas një shpërthim. Ka dëme materiale në dy vetura. Nuk ka te lënduar. Policia është duke u marrë me rastin”, thuhet nga Policia.
Edhe pas hetimeve fillestare në vendngjarje, njësiti i bombave i Policisë së Kosovës nuk arriti ta gjente llojin e mjetit që shpërtheu. Për këtë nga Prishtina u nis ekipi hetues krimeve të rënda.
Por, ende pa mbërritur këta në vendngjarje, detaje se çfarë u hodh këtu dha vet kryeministri u Kosovës, Albin Kurti.
“Sipas informatave të Policisë së Kosovës, sot rreth orës 14:30 në vendin e quajtur “Te tuneli i pestë”, në rrugën magjistrale te liqeni i Ujmanit, nga një apo më shumë persona të panjohur është hedhur një granatë dore me ç’rast dy vetura të parkuara, njëra me targa vendore dhe tjetra me targa amerikane, janë dëmtuar. Kurti shtoi se Serbisë dhe qarqeve të caktuara mike me të, nuk iu levërdis normaliteti i krijuar në atë pjesë të vendit tonë”, ka shkruar Kurti.
Ndryshe, gjatë gjithë kohës rruga që të dërgon në pikën kufitare të Bërnjakut, ishte e hapur për qarkullim.
