E se si erdhi te shpërthimi i bombolës së gazit mbrëmë në një lokal në kryeqytet, ndjekim kronikën në vazhdim.
Punën nuk e nisën si zakonisht.
Kjo pasi në këtë lokal në qendër të Prishtinës, mbrëmë shpërtheu një bombolë gazi.
I gjithë incidenti ndodhi kur po bëhej ndërrimi i bombolës së harxhuar.
Siç merr vesh televizioni, gjendja e të njëjtit është stabile.
E lajmin për televizionin e konfirmoi edhe Policia e Kosovës.
“Rreth orës 23:00, në një lokal në rrugën ‘Mark Sopi’ në Prishtinë, ka ndodhur një shpërthim. Zyrtarët policorë kanë reaguar menjëherë pasi ndodheshin në afërsi të vendit të ngjarjes. Bazuar në informacionet e para, dyshohet që shpërthimi ka ardhur nga një bombolë gazi. Deri tani bëhet e ditur se dy persona kanë pësuar lëndime”.
Gjatë mëngjesit të së mërkurës lokali po pastrohej për të vazhduar punën si ditëve të tjera.
E një rast i ngjashëm i shpërthimit të një bombole gazi ndodhi edhe para dhjetë ditësh në një autolarje në “Veternik” të Prishtinës.
Aty morën lëndime dy punëtorë të këtij biznesi, mirëpo gjendja e tyre u raportua të jetë stabile.
