Një bombol gazi ka shpërthyer pasditen e së premtes në një autolarje në Veternik në Prishtinë. Sipas informacioneve që ka siguruar Tëvë1, dy të lënduarit janë punëtorë të këtij biznesi e që nga Klinika Emergjente në QKUK kanë treguar se gjendja e tyre është stabile.
Po e bënte punën e tij si zakonisht në këtë autolarje.
Por ky punëtor mori plagë në vendin e tij të punës pasditen e së premtes.
Krejt kjo ndodhi, pas shpërthimit të një bombole të gazit. E lëndime mori edhe kolegu i tij.
Siç ka mësuar televizioni, të lënduarit janë dy punëtorë të kësaj kompanie.
Rastin e ka konfirmuar edhe nga Policia e Kosovës.
“Rreth orës 16:00 është pranuar informata për një shpërthim në lagjen Veterniku në Prishtinë. Policia ka dalë në vendin e ngjarjes dhe në baze të informacioneve të para dyshohet që shpërthimi ka ardhur nga një bombolë gazi. Nga informacionet e deritanishme bëhet e ditur se dy persona kanë pësuar lëndime. Policia po vijon punën e saj, ndërkaq në vendngjarje ka ftuar edhe mekanizmat e tjerë kompetent për trajtimin e rrethanave të ngjarjes”, ka thënë Policia e Kosovës.
Derisa nga Klinika Emergjente në QKUK është bërë e ditur se gjendja e tyre është stabile.
“Stabil janë aktualisht. Ende nuk i kemi kryer të gjitha. Pa u përfunduar rasti nuk mund të them është i lënduar aty e më pas të del edhe diçka tjetër. Po, jashtë rrezikut për jetë janë”, ka deklaruar Nerxhivane Kadriu- mjeke kujdestare në emergjencë.
Tëvë1 ka tentuar të marrë një qëndrim nga përfaqësuesit e kompanisë por që të njëjtit nuk kanë pranuar të flasin.
