Një person i armatosur që hiqej si oficer policie vrau një anëtare të lartë të asamblesë shtetërore demokrate dhe bashkëshortin e saj të shtunën në një vrasje që duket të jetë e motivuar politikisht dhe plagosi një ligjvënës të dytë dhe bashkëshorten e tij, tha guvernatori i Minesotës, Tim Walz, dhe zyrtarët e zbatimit të ligjit.
Një kërkim i gjerë i mbështetur nga FBI ishte duke u zhvilluar për të dyshuarin, i cili iku në këmbë pasi qëlloi policinë dhe braktisi një automjet në të cilin oficerët gjetën një letër që kishte në rend ligjvënës dhe zyrtarë të tjerë, thanë zyrtarët e zbatimit të ligjit.
Një zyrtar policie tha se kishte “njerëz me interes që po kërkojmë”.
Vrasjet para agimit në Minesota vijnë mes një rritjeje të sulmeve politike në ShBA vitet e fundit, duke vënë në pah anën e errët të përçarjeve politike në vend. Protestat e planifikuara kundër Trumpit në Minesota të organizuara në të gjithë vendin nga koalicioni “Pa Mbretër” janë anuluar pas të shtënave, tha grupi.
Presidenti Donald Trump tha se ishte informuar për “të shtënat e tmerrshme që ndodhën në Minesota, të cilat duket se janë një sulm kundër ligjvënësve të shtetit”.
“Një dhunë kaq e tmerrshme nuk do të tolerohet në Shtetet e Bashkuara të Amerikës. Zoti i bekoftë njerëzit e mëdhenj të Minesotës, një vend vërtet i shkëlqyer!”, tha ai në një deklaratë.
Anëtarja demokrate e asamblesë shtetërore Melissa Hortman, një ish-kryetare e asamblesë, dhe bashkëshorti i saj, Mark, u qëlluan për vdekje në shtëpinë e tyre në periferi të Minneapolis, Brooklyn Park, u than gazetarëve Walz dhe zyrtarët e zbatimit të ligjit.
Faqja e saj zyrtare në internet thotë se ata kanë dy fëmijë.
Walz tha se personi i armatosur shkoi në rezidencën e Hortman pasi qëlloi disa herë senatorin John Hoffman dhe gruan e tij në shtëpinë e tyre në qytetin e afërt të Champlin, shkruan Reuters
Ata iu nënshtruan një operacioni, tha Walz, duke shtuar se ishte “optimist” se ata do të mbijetonin.
“Ky ishte një akt dhune me synime politike”, tha ai. “Diskursi paqësor është themeli i demokracisë sonë. Ne nuk i zgjidhim mosmarrëveshjet tona me dhunë ose me armë”.
Zyrtarët e zbatimit të ligjit thanë se personi i armatosur sulmoi familjen Hoffman rreth orës 2 të mëngjesit dhe më pas drejtoi makinën rreth pesë milje deri në banesën e Hortmanëve.
Shefi i Policisë së Brooklyn Park, Mark Bruley, tha se një rreshter policie që iu përgjigj sulmit ndaj Hoffman u kërkoi kolegëve të kontrollonin “në mënyrë proaktive” rezidencën e Hortmanëve.
Dy oficerët që mbërritën në rezidencën e Hortmanëve vunë re atë që dukej të ishte një automjet policie i parkuar në hyrje të shtëpisë me dritat e emergjencës të ndezura dhe një individ i veshur dhe i pajisur si oficer policie që po largohej nga shtëpia, tha ai.
I dyshuari “qëlloi menjëherë mbi oficerët, të cilët shkëmbyen të shtëna dhe i dyshuari u tërhoq përsëri në shtëpi”, vazhdoi Bruley.
I dyshuari, i cili mbante veshur një jelek me një armë zjarri, pajisje të tjera policore dhe një distinktiv, besohet se është larguar nga pjesa e pasme e shtëpisë, tha ai. Hortmanët dhe Hoffmanët ishin në listën e emrave të gjetur në makinën e të dyshuarit, thanë zyrtarët.
Dhuna politike e kohëve të fundit në SHBA ka ndodhur në të ashtuquajturat shtete të fushëbetejës si Michigani dhe Pensilvania.
Minesota ka qenë Demokratike në zgjedhjet e fundit presidenciale, por Trump dhe Republikanët kanë arritur përparime të konsiderueshme.
