Pensionistët e Prishtinës kanë festuar vitin e ri në organizatën e pensionisteve të Prishtinës. Ata u shprehën të kënaqur me organizmin. E kryetarja e kësaj organizate premtoi se organizimet e tilla nuk do të mungojnë as në të ardhmen.
Festën e kanë filluar herët, e me të edhe lojën e shahut.
Kështu pensionistët e Prishtinës po e presin festën e Vitit të Ri.
Pensionisti Adem Izmaku, i cili çdo ditë vjen këtu, shprehet i kënaqur me organizmin.
“Kanë qenë në nivel të duhur jam i kënaqur me përgatitjen që janë bërë për këtë festë,drejtoresha është në nivel të duhu po na ndihmon”, tha ai.
Ndërsa i kënaqur është edhe Remzi Dragidella.
“Unë kam që 3 apo 4 vit që kam dal në pension,atëherë e kam festuar si më mirë. Në kushte se çfarë i kemi e çfarë munden me na ofrua shumë mirë. E mira s’ka fund por mirë është”, ka deklaruar pensionisti.
Kurse kryetarja e Organizatës Komunale të Pensionisteve të Prishtinës,Mybera Verbovci-Kasumi thotë se me aq mjete sa kanë, ka organizuar festën për pensionistët.
“Ditë festive kam organizuar për pensionistët e Prishtinës një koktej modest se edhe ne nuk kemi aq mjete me bo ndonjë lloj kokteji kështu, por një koktej modest në shenjë respekti për pensionistet”, tha ajo.
Kryetarja, madje, tregoi se për çdo festë të vitit, mundohet që sado pak të bëjnë ndonjë organizim për pensionistët.
Qeveria e Kosovës këtë vit ka rritur pensionet për 20 përqind.
