Tashmë traditë në Ferizaj.
47 flamuj u vendosën në oborrin e shkollës “Muharrem Shemsedini” në Fshatin e Vjetër të Ferizajt.
Kjo për të shënuar inaugurimin e presidentit të 47-të, të SHBA-së Donald Trump.
Kryetari i këshillit organizativ të fshatit Bibaj Faton Haxhisalihu, tregon për këtë manifestim.
“Është bërë si traditë për çdo president të Amerikës i cili vjen dhe ne bashkë më ata ndajmë kënaqësi dhe ky është një inaugurim sa i përket presidentit në ardhje Trumpit. 01:40-01:49 Ne si popull jemi pro amerikan dhe do të jemi gjithmonë mirënjohës ndaj SHBA-së dhe dhimbjet dhe kënaqësitë do ti ndajmë së bashku”.
Kurse drejtori i shkollës tregoi se me kënaqësi ka pranuar të jetë pjesë e këtij manifestimi.
“Pa rezerva e kam ofrua mbështetjen time qoftë logjistike qoftë në aspektin e nxënësve që të përkahim e të mbjellim këtë ndjenjë për këta miq tonë që i kemi me shumë vite që na përkapin si shtetin e Kosovës po ashtu edhe gjithë shqiptarët”, ka thënë drejtori i shkollës “Muharrem Shemsedini”, Gazmend Fazliu.
E viteve të kaluara në këto manifestime kanë qenë të pranishëm edhe trupat ushtarake Amerikane. Mirëpo, këtë vit prezenca e tyre nuk u pa.
Ndërsa në anën tjetër më këtë mos prezencë nuk janë të kënaqur shoqëria civile .
“Ne sa herë që mbajmë aktivitete nuk kanë munguar asnjëherë pjesëtarët apo zyrtarët Amerikanë në këtë rast sot mungojnë është për tu befasuar pse ata nuk janë sot këtu, sikur qysh kanë qenë para 4 vitesh. Kjo është një brengosje e shqetësim për ne si qytetar e të njëjtë kohë si anëtar të shoqërisë civile”, ka thënë Kenan Gashi nga AVONET.
E më se të lumtur me këtë organizim janë vetë nxënësit e kësaj shkolle.
“Unë jam krenar që shkolla jonë e manifeston inaugurimin e presidentit amerikan Donald Trump”, ka thënë nxënësi, Troi Aliu.
“Faleminderit Amerika”, nxënësja, Xhesina Rekaj.
Në ambientin e shkollës u panë të vendosur edhe flamuj të Kosovës e Shqipërisë.
