28 nëntori Dita e Flamurit dhe shpalljes së Pavarësisë së Shqipërisë është festuar në mënyra të ndryshme në shkollat në kryeqytet. E nxënësit dhe mësimdhënësit e shkollës “Emin Duraku” për nder të kësaj ditë kanë përgatitur një program me këngë recitime dhe valle.
Flamuri u vendos e gjithçka u bë gati.
Në nderim të festës së 28 nëntorit ditës së Flamurit, shkolla fillore “Emin Duraku” organizoi një manifestim.
Së pari fjalën e mori drejtori i shkollës Visar Osmani .
“Është fat i madh që jemi pjesë e këtij institucioni ku pikërisht në këtë institucion në vitet e 90 celulat e para të Ushtrisë dhe shtet formimit e kanë zanafillën në këtë shkollë. Paralelisht prej viteve të 90-ta e deri në vitet 99 cdo gjë që i ka thanë jo Serbisë në Komunë të Prishtinës thuhet e ka vetëm një emër shkolla fillore “Emin Duraku”, cdo gjë që i ka thanë jo Serbisë përmes plan-programit përmes lapsit e ka emrin shkolla fillore “ Emin Duraku”, ka deklaruar ai.
E më pas, nxënësit e kësaj shkolle vazhduan me disa aktivitete.
E se çfarë simbolizon kjo festë për nxënësit treguan disa prej tyre.
“Feta e 28 nëntori është një festë shumë ë madhe për gjithë shqiptar kudo që janë edhe e dimë që simbolizon pra Pavarësinë e shtetit të Shqipërisë. Kjo festë na tregon se çfarë shteti i fortë jena edhe që kemi kaluar shumë luftëra dhe shumë batica të ndryshme të cilat i kemi kaluar si shteti i bashkuar dhe shumë i fuqishëm”, ka thënë kryetarja e Këshillit të nxënësve “Emin Duraku”, Stina Gashi.
“Festa e 28 nëntorit për mua thotë shumë dhe na tregon se ne si popull jemi shumë trima e shumë guximtar”, ka deklaruar nxënësja Amela Qakmaku.
E ndryshe nga këto të fundit, shoku i tyre Orient Aliu ka vetëm një mesazh.
“Unë kam një mesazh na rroftë kjo festë e urime 28 nëntori”, ka thënë nxënësi.
Shkolla fillore e mesme e ulët “ Emin Duraku” në Prishtinë çdo vit përgatitë program festiv për nderë të kësaj dite historike.
