Shumë orë pas ngjarjes tragjike, gjurmët e vetaksidentit janë akoma prezente.
Në këtë vend në fshatin Kuzmin të Fushë Kosovës, mbrëmë rreth orës 22:00, një shofere humbi drejtimin mbi automjetin, dhe mbeti e vdekur bashkë me një pasagjere e cila ishte me të.
Në një përgjigje për televizionin, Policia e Kosovës ka konfirmuar se vdekja e vikimave u konstatua në Qendrën Klinike Universitare të Kosovës.
“Raportohet se ka ndodhur një vet-aksident trafiku ku ka qenë e përfshirë një veturë që drejtohej nga një femër kosovare. Drejtuesja e veturës e po ashtu edhe pasagjerja kosovare janë dërguar në QKUK ku nga mjekët është konstatuar se të dyja kanë ndërruar jetë”, thuhet nga Policia e Kosovës.
Në dy muajt e parë të këtij viti, aksidentet nuk kanë qenë të pakta në Kosovë.
“Në muajt janar shkurt të këtij viti, kanë ndodhur nëntë aksidente me fatalitet. Në periudhën e njëjtë të vitit të kaluar, ishin dhjetë”, thuhet tutje.
Eksperti i komunikacionit, Nol Deda, vlerëson se shpejtësia është shkaktari kryesor në shumicën e rasteve të tilla.
“Zakonisht te vet-aksidentet ndikon drejtpërsëdrejti shpejtësia e lëvizjes të automjeteve thjesht duke mos e përshtatur shpejtësinë me kushtet e vet qarkullimit edhe kjo është njëri nga elementet kryesisht të faktorit njëri. Tash ne jemi gati në sezonin verorë jemi në muajin e pestë e tash fillon me u paraqit shpejtësia si element kryesor te fatalitet dhe të aksidentet e rënda ose me lëndime të rënda trupore”, thotë Deda.
Një ngjarje e ngjashme sikur ajo e të hënës mbrëma, ndodhi edhe të dielën e kaluar në fshatin Pouskë të Prizrenit.
Nga vetaksidenti, një 19 vjeçare mbeti e vdekur, kurse dy të tjerë u lënduan.
