Mustafa foli hapur për të gjitha ato që ndodhën gjatë gjykimit të tij, në një proces maratonik, e që në fund përfundoi me hudhje poshtë të aktakuzës.
Thotë se vetë mënyra si ka rrjedhur procesi gjyqësor ndaj tij, është dëshmi se procesi ka qenë i manipuluar.
Kjo pasi që siç thotë Mustafa, që nga fillimi Prokuroria nuk e kishte asnjë argument për aktakuzën ndaj tij.
“Po ta lexoni vendimin e plotë atëherë do ta shihni se Gjykata Themelore në Pejë thotë se janë bërë shkelje nga neni i procedurës penale dhe e neneve të kodit për hetime prokuroriale, e që do të thotë se nga nisja e hetimeve që nga viti 2011 kjo çështje vetëm është bartur sa nga Prokuroria Themelore në Pejë e deri te Prokuroria Speciale e Kosovës”, ka thënë ish-kryetari i Gjilanit, Qemajl Mustafa, derisa shpalos detaje nga procesi gjyqësor që zgjati shumë vite ndaj tij.
“Ky hetim ka filluar tek gjysma e dytë ë vitit 2011 dhe ka përfunduar me 16 shtator 2016, do të thotë qe Qemail Mustafa dhe të tjerët janë hetuar jashtë çdo afati ligjor të lejuar nga hetimet”, u shpreh Mustafa.
“Gjashtë prokurorë kanë hetuar për pesë çështje në të njëjtën kohë, çka mund ti thuhet kësaj përveç që ka qenë një orkestrim i plotë në lojën e ndjekjes së shtrigave, duke lëshuar paralelisht të gjitha kapacitet në Prokurorinë Themelore në Gjilan që të më deskretitojnë si person dhe të më largojnë nga arena politike e që të mos kthehem më”, tha ndër të tjera Mustafa në emisionin “Info Nata”, në tëvë1.
/teve1.info
https://teve1.info/uncategorized/mustafa-thote-se-pdk-i-ngriti-aktakuze-per-ta-ndihmuar-lutfi-hazirin-qe-te-fitoje-ne-gjilan/
