Vera e sivjetme ka bërë që shumë zona në Shqipëri të përfshihen nga zjarri, duke shkaktuar dëme të shumta.
Veç dëmeve në infrastrukturë e në shkrumbim të maleve të tëra, të martën është regjistruar një viktimë në zonën e Elbasanit.
Atje raportohet se një 80-vjeçar ka vdekur si pasojë e asfiksisë, pasi i njëjti dyshohet se i kishte vënë zjarrin oborrit të tij, duke shkaktuar kështu djegien e 6 fshatrave në zonën e Gramshit.
Ndërkaq sot, mediat në Tiranë po raportojnë edhe për një viktimë në këtë zonë, ndonëse nuk ka konfirmim zyrtar.
