Pas Barcelonës edhe disa skuadra tjera janë futur në garë për shërbimet e sulmuesit të Kosovës, Fisnik Asllani.
Bëhet e ditur se Barcelona po rivalizohet nga tri skuadra të Premier Leagues për sulmuesin kosovar, i cili është pjesë e skuadrës së Hoffenheimit.
Aston Villa, Chelsea dhe Tottenhami, janë skuadrat që kanë shprehur interesim për shërbimet e Asllanit, të cilin po e shohin si përforcim të duhur për sulmin.
Asllani 23-vjeçar para fillimit të këtij sezoni u kthye tek Hoffenheimi pas huazimit të Elversbergu dhe në Bundesligë ka treguar formë të mirë.
Ai ka shënuar 4 gola në 7 ndeshje kampionale, ndërsa me Hoffenheimin ka rinovuar kontratën deri në verën e vitit 2029.
Kartoni i Asllanit, aktualisht vlerësohet mbi 10 milionë euro dhe duke pasur parasysh interesimin e madh nga skuadrat tjera, largimi i tij në fund të sezonit nga ekipi gjerman është më se i mundur.
