Është shtyrë seanca e shqyrtimit fillestar, në rastin ku po akuzohen ish-drejori i KEK-ut, Nagip Krasniqi, ish-shefi i prokurorimit Ymer Dragusha dhe avokati Isuf Zejna.
Seanca është shtyrë për datën 7 shkurt në orën 9:30, pasi që gjyqtari Rrahman Beqiri njoftoi se nuk është kthyer dëshmia që Dragusha e ka marrë ftesën.
Të pandehurit akuzohen se gjatë periudhës kohore 2021–2023, me veprimet e tyre të kundërligjshme i kanë shkaktuar dëme buxhetit të Kosovës, rreth 37 milionë euro duke kryer veprat penale “Keqpërdorimi i detyrës apo autoritetit zyrtar”, “Zbulimi i fshehtësisë zyrtare” dhe “Ndihmë në Keqpërdorim të detyrës apo autoritetit zyrtar”./teve1.info/
