Ndeshja parakualifikuese për Botërorin 2027 të basketbollit, ajo ndërmjet Zvicrës dhe Kosovës është shtyrë.
Lajmin për shtyrjen e takimit e ka bërë të ditur Federata e Basketbollit të Kosovës (FBK), rreth një orë para fillimit të ndeshjes.
Në njoftimin e FBK-së, thuhet se ndeshja është shtyrë shkaku i reshjeve të mëdha të borës në Zvicër dhe problemeve të ekipit zviceran për të qenë në kohë për këtë sfidë.
Në fakt, kjo përballje është shtyrë përkohësisht apo deri në njoftimin e radhës nga FBK-ja.
Dueli mes Zvicrës dhe Kosovës ishte paraparë që të fillonte në orën 19:30.
