Ndeshja mes Llapit dhe Dritës e paraparë të luhet të shtunën, për xhiron e 14 në Superligën e Kosovës në futboll është shtyrë për një ditë më vonë, nga komisioni i garave.
Takimi ishte i vendosur që të zhvillohej ditën e shtunë, por Komisioni i Garave të FFK-së, ka njoftuar klubet se ndeshja është shtyrë për të dielën nga ora 13:00.
I menjëhershëm ka qenë reagimi i klubit gjilanas, të cilët kanë shkruar në Facebook se sipas tyre ndeshja është shtyrë pa asnjë arsye dhe se veprime të tilla nuk i bëjnë nder aspak futbollit të Kosovës.
Drita aktualisht është lider në Superligë me 30 pikë, 4 më shumë se Ballkani që ka 2 ndeshje më pak.