Drejtori i Asociacionit të Komunave të Kosovës, Sazan Ibrahimi ka thënë se pas presionit dhe insistimit të tyre, Ministria e Financave ka shtyrë afatin e zbatimit të normës tatimore progresive për prona komerciale për në vitin 2026.
Në një përgjigje për Tëvë1, Ibrahimi thotë se AKK ka lobuar se kjo normë tatimore është ngarkesë dhe barrë e rëndë për pronarët e pronave të paluajtshme komerciale.
“Në elaborimin e dispozitave të këtij Ligji, ministri Murati ndër të tjera njoftoj se është futur dispozita që ka të bëjë me shtyrjen e afatit për zbatimin e tatimit të normës tatimore progresive në pronat e paluajtshme komerciale për vitin 2026”, ka thënë Ibrahimi.
Tutje, ai tha se AKK-ja ka mirëpritur këtë vendim të Qeverisë, duke vlerësuar se kërkesa e tyre ka qenë e arsyeshme dhe e argumentuar me fakte.
Ndryshe, ai ka përmendur edhe uljen e tatimeve në pronë të qytetarëve për rreth 33% nga komunat e Kosovës./teve1.info/
Ekonomistët paralajmërojnë rritje të çmimeve pas rritjes së tatimit
