Nello Musumeci, Ministri italian për Mbrojtjen Civile dhe Politikat Detare, thotë se ndeshjet e Serie A të së shtunës, përfshirë Roma-Inter, do të riplanifikohen pasi funerali i Papa Françeskut do të bëhet në të njëjtën ditë.
“Ndeshjet e së shtunës nuk do të zhvillohen”, u tha gazetarëve të martën ministri italian Musumeci, cituar nga ANSA.
Ndeshjet janë Como-Genoa, Inter-Roma dhe Lazio-Parma.
Inter-Roma është ndër lojërat më interesante dhe ka vetëm tre data të mundshme për të riorganizuar ndeshjet vendimtare të Serie A.
Lazio-Parma dhe Como-Genoa ka të ngjarë të luhen të nesërmen ose të hënën, por ka një problem më të madh për Inter-Roma pasi Nerazzurrët janë ende të përfshirë në Coppa Italia dhe Ligën e Kampionëve.
Interi do të takohet me Milanin në ndeshjen e dytë gjysmëfinale të Kupës së Italisë të mërkurën, më 23 prill dhe do të vizitojë Barcelonën në ndeshjen e parë gjysmëfinale të Ligës së Kampionëve të mërkurën, më 30 prill.
Kjo është arsyeja pse të luash Inter-Roma të shtunën e ardhshme duket shumë e pamundur.
Sipas Corriere dello Sport, dy datat e tjera të disponueshme janë 14 maji, por vetëm nëse Interi nuk kualifikohet në finalen e Kupës së Italisë, e cila është caktuar për të njëjtën ditë, ose të mërkurën, 21 maj, përpara xhiros së fundit të Serie A.
