Tahiri ka thënë se në seancën e së enjtes në rend dite do të jetë edhe votimi i dy propozim-rezulutave kundër vendimit të ZRRE-së, shkruan tëvë1.info.
“Votimi i propozim-rezuolutës nga debati parlamentar në lidhje me shtrenjtimit e energjisë elektrike dhe po ashtu edhe votimi i propozim-rezolutës në lidhje me vendimin e ZRRE-së”, tha ai.
Tahiri ka thënë se nga LVV-ja presin reflektim në lidhje me votimin e dy propozim-rezolutave.
“Presim që edhe LVV-ja të ketë një reflektim sa i përket shtrenjtimit të rrymës, tanimë vetëm se kanë filluar të vinë faturat e rrymës dhe qytetarët po shohin se ka një shtrenjtim”, tha ai.
Ai thotë se shtrenjtimi i rrymës është i papërballueshëm për qytetarët, teksa shtoi se AAK-ja do të përdor edhe mekanizmat tjerë siç është Gjykata Kushtetuese, pasi sipas tij vendimi është diskriminues.
“Ky shtrenjtim është i papërballueshëm për qytetarët dhe si opozitë duhet të përdorim mekanizmat e tjerë dhe një ndër mekanzimat po ashtu është edhe adresimi tek Gjykata Kushtetuese për një sër veprime diskriminuese që janë marrë me këtë vendim nga Qeveria përmes ZRRE-së”, tha Tahiri në konferencë për media pas mbledhjes së Kryesisë së Kuvendit. /tëvë1.info/
