Komuna e Istogut ka njoftuar se gjatë ditëve të ardhshme do të shtohet lëvizja e trupave dhe automjeteve të KFOR-it brenda territorit të komunës.
Në njoftim thuhet, se kjo do të ndodhë për shkak të të procedurave normale të pranim-dorëzimit të kontingjenteve.
“Të nderuar qytetarë ju njoftojmë se në ditët në vijim do të ketë rritje të lëvizjeve të trupave dhe automjeteve të KFOR-it brenda territorit të komunës së Istogut, për shkak të procedurave normale të pranim-dorëzimit të kontingjenteve”, bëhet e ditur në njoftim.
Komuna ka njoftuar se do të bëhen edhe ushtrime për të testuar dhe ruajtur aftësitë operacionale.
“Po ashtu do të bëhen ushtrime për të testuar dhe ruajtur aftësitë operacionale në mënyrë që të sigurohet niveli i njëjtë i përgatitjes dhe gatishmërisë për të gjitha njësitë në terren. Andaj nuk keni nevojë të shqetësoheni”, theksohet në njoftim./teve1.info/
