Një person është arrestuar nga Policia e Kosovës, pasi që i njëjti dyshohet se ka shtënë me armë zjarri në drejtim të një veture, në të cilën ndodheshin tre persona.
I dyshuari sipas Policisë dyshohet se kishte hedhur në një shportë mbeturinash armën e zjarrit AK-47.
Në raportin 24-orësh është bërë e ditur se njësitet policore kanë konfiskuar armën dhe 27-fishekë, ndërsa vetura e dëmtuar është sekuestruar për ekzaminim.
Ndërsa, tre persona të cilët kanë qenë brenda veturës janë paraqitur në Stacionin Policor.
Ngjarja ka ndodhur pasditen e djeshme në rrugën “Gazmend Zajmi” në Prishtinë.
Ky rast në Policinë e Kosovës është iniciuar “Shkaktim i rrezikut të përgjithshëm” dhe “Armëmbajtje pa leje”. /teve1.info/
