Një person, shtetas i Maqedonisë së Veriut ka raportuar në polici se ka qenë cak i një sulmi dhe grabitjeje në Mitrovicë.
Ankuesi mashkull ka thënë se përderisa ishte në veturën e tij dje pasdite, persona të panjohur ia kanë thyer xhamin dhe e kanë sulmuar fizikisht.
Po ashtu ai ka raportuar se i është vjedhur një telefon mobil, kuleta me para dhe dokumentet personale.
Viktima ka pranuar tretman mjekësor, ka njoftuar policia, transmeton teve1.info.
“Ankuesi mashkull shqiptar shtetas i Maqedonisë Veriore ka raportuar se deri sa ishte brenda veturës së tij tre persona të panjohur i kanë thyer xhamin dhe e kanë sulmuar fizikisht si dhe ia kanë marr një telefon IPHONE 11, kuletën brenda së cilës kishte para, dokumentet personale dhe të njëjtit kanë ik në drejtim të panjohur. Viktima ka pranuar tretman mjekësor, ndërsa rasti vazhdon të hetohet”, thuhet në njoftim.
