Autore: Adea Mustafaj
Puna për renovimin e shtëpisë së shkrimatarit,Ymer Elshani në Korroticë të Ultë në Drenas ka nisur që disa ditë.
E shumë shpejtë, dyert e kësaj shtëpie do të hapen për vizitorët, të cilët mund të shohin vendin ku ka jetuar, dorëshkrimet, fotografitë, rrobat e shkrimtarit ashtu siç kanë shpëtuar nga lufta.
Kjo pas objekti do të kthehet në një muze, për të kujtuar dhe ndëruar figurën e Elshanit, i cili u vra së bashku me shtatë anëtarët e familjes se tij në masakrën e Poklekut me 17 prill 1999.
Idenë për kthimin e shtëpisë në muze e dha e bija, Teuta, e cila tha që është anhazhuar për këtë çështje kaherë, dhe më në fund tani ka nisur puna për renovimin e shtëpisë nga Ministria e Kulturës, Rinisë dhe Sportit.
Hysen Hysenaj, bashkëfshatar i tij, tregoi nën emocione momentet e fundit që kishte pasur me të.
“Bash dy ditë pa u bë masakra unë kam qenë me të. Unë me tregu të drejten tash Ymer jena një pozitë jo të mirë qetu ku jena tu nejt, i thash mirë kishte qenë të shkojm edhe na t’i marrim do traktora qeshtu i kena pas, qetu i patëm lënë, traktori shihet edhe i tina edhe i thash qysh po ikin do tjerë po ikim edhe na po shkojm dika. I ndjeri tha jo do të rrim se qeto dy ditë besoj që po kryhet edhe kështu përfundoj me të vërtet”, tha Hysenaj.
Dhimbja për vrasjen dhe masakrimin e shkrimtarit, Hyseni thotë se do të lehtësohet sado pak me kthimin e kësaj shtëpie në muze.
“E kemi prit me një padurim shumë të madh rregullimin e kësaj shtëpie këtu. Edhe shpresojmë që do të rregullohet e bëhet ashtu siç kemi qef ne…. Kjo shtëpi ka një rëndësi shumë të madhe që ndoshta qato, që e kemi pas atë ndjenjën që na shkoi herët, u vra nga armiku, kështu që ndoshta na lehtëson sado pak dhimbjen tonë që e kemi pas për Ymer Elshanin”, thotë ai.
Ndërsa, një nga familjaret e tij, Sabahit Haradini, kujton porosinë që ia kishte lënë i njderi, për të cilin zgjedh fjalët më të mira.
“Sa herë e kujtojmë, pikojnë lotët. Ka qenë njëri u zgjuar. Ku unë e kujtoj për çdo herë se kam qenë në vitet 90 në Fakultetin Gjuhë dhe Letërsi Shqipe. Të gjitha librat mi ka dhënë ai për me mësu edhe më thojke vetëm me shkollë mund të arrijmë që të kemi një shtet të fortë, që të krijojmë një shtet dhe të kemi një shtet të fort”, thotë Haradini.
Renovimin e shtëpisë e sheh mëse të nevojshëm Haradini.
“Kjo shtëpi që tash mundemi me i thënë shtëpi muze më në fund u arrit ma shumë përpjekjeve të vajzës së tij Teutës, e cila nënstop mas luftës ka insitu ka bisedu me tërat dikastrat por më në fund ka arrit që kjo shtëpi të marr emrin muze ku në të ruhen librat e bacit Ymer i cili aq shumë i deshti, i cili shumë punoj dhe shumë vepra për fëmijë ka shkruar baca Ymer” , shprhet ai.
Televizioni ka tentuar të marr edhe një qëndrim nga Qendra Rajonale për Trashegimi Kulturore në Prishtinë, por të njejtit nuk kanë kthyer përgjigje deri në publikimin e kronikës.
Ymer Elshani u vra dhe u masakrua më 17 prill të vitit 1999 nga forcat serbe në fshatin Poklek të vjetër të Drenasit bashkë me gruan, të katër djemtë, nënën, kunatën dhe shumë bashkëfshatarë të tij.
Nga kjo familje ka mbetur vetëm vajza e tij e cila kishte qenë në studime në Prishtinë në atë kohë.
Elshani la pas vetes dhjetëra libra për fëmijë me poezi, tregime dhe romane.
Shkrimtari jetën ia kushtoi krijimtarisë letrare.
