Thuajse në çdo cep të shtëpisë ka njolla myku.
E përveç kësaj, familja Selimi nga fshati Plemetin i Komunës së Obiliqit, po përballet edhe me mungesën e kushteve elementare për jetesë.
Kryefamiljari, Ergin Selimi rrëfen se në mungesë të të hyrave mujore, shpeshherë detyrohet të marrë ushqim edhe nga mbeturinat.
Si baba i dy fëmijëve, Selimi me lot në sy tregon sa e dhimbshme është pamundësia për të realizuar kërkesat e tyre.
Tutje, 43 vjeçari tregoi se brenga tjetër e familjes katër anëtarëshe është edhe mungesa e kushteve higjenike.
“Gjendja në të cilën ndodhet shtëpia, është shkak që jeta e tyre të rrezikohet edhe nga minjët e mëdhenj”, ka thënë ai.
Gruaja e Selimit, Hamidja thotë se gjithë frika e saj është për fëmijët.
Kërkesa e kryefamiljarëve ishte sigurimi i një vendstrehimi, një dhome e cila nuk do të kaplohej nga myku e lagështia, në mënyrë që të mbrohen nga sëmundjeve.
Kronika e realizuar nga Valëza Sylejmani
